Slick

Italian Salon n London 4  men & ladies 

Great & gd service also prices r very good

They have 2 branches n London

better 2 make an appointment before going

صالون هيلدا

من اقدم الصالونات في قطر.. تخصص تسريحات وميك أب .. صاحبته مدام هيلدا خبيرة تجميل لبنانيه .. تسريحاتهم ماعليها كلام والافضل على يد الفلبينيات اللي ف الصالون لانهم وايد شاطرين اي تسريحه تبونها يسوونها .. وهم الميك أب على يد مدام هيلدا حلووو ويسوى ويدها خفيفه حيل وماتطول حدها ربع ساعه الى نص ساعه ويثبت مايخطط وطبعا تسأل الزبونه شلون تحب المكياج يكون وشلون الاساس اذا تبي افتح او غيره.. اسعارهم حلوه ويفضل تاخذون موعد قبل .. مكانهم ف الهلال لان غيروا مكانهم القديم ..

صالون يوني سعيد ( بيروت)

تجربتي معاهم بالصدفه .. كان قريب عالفندق اللي كنت فيه وانا امشي شفته جان ادخل واقولهم ابي قص وسيشوار قالوا اوكي .. استقبالهم مافيه لاابتسامه ولاترحيب حيل .. المهم قص شعري نفسه صاحب الصالون يوني سعيد وقال لي ان الموضه الدارجه هي القذله الفرنسيه والشعر ينقص طبقه وحده يعني باي باي المدرج .. وبعد ماقص لي سووت لي وحده من اللي عندهم سيشوار طبعا ظلت بس حراق ف شعري وحتى البف ماتعرف تسويه مع اني شفتهم يهتمون بزبوناتهم اللبنانيات بس الخليجيات لهم الله .. تقييمي للقصه عاديه والسيشوار مو ذاك الزود ... سعر هالشغل كان 100دولار وكلش مايسوى هالسعر لان عندنا الصوالين الراقيه ماتاخذ هالسعر حتى..عالعموم نص لبنان غاليه على ولا شي صراحه .. هالصالون موجود ف داون تاون واكوا فرع ف صيدا فقط وماكو فروع برا لبنان ...

صآلون لآفورم

كنت رايحه ابي اقص شعري ودخلت هالصالون بالغلط بس من كثر ماشدني ديكورهم واضاءتهم قلت خل اجرب شغلهم .. وطبعا ماقالوا لا لازم حجز بالعكس بلشت تقص لي وحده من اللبنانيات اللي عندهم وكانت قصة الفراوله بس على طول شعري .. ووايد ضبطت لي القصه لدرجه رحت لهم مره ثانيه حق صبغ وقص .. لمن فكرت اغيير اللون الاشقر اللي بشعري نصحتني لبنانيه غير اللي قصت لي نسيت اساميهم المهم انها قالت لي عالاسود تدخل عليه خصل حمر فقلت لها اوكي وفعلا طلع اللون مغيرني حييل ووراها حمام زيت وقص وكالعاده ماتحسفت اني جازفت وغييرت لون شعري وقصيته عندهم واذكر هم عندهم اجنبيه شاطره ف القص وكانت مفاجأه لاهلي خصوصا اني مده طويله ظليت عالاشقر .. وجربت عندهم تنظيف الحواجب والمناكير على يد تونسيه بس للاسف ماعجبني شغلها ووايد نفسيه جن شغلتها مو عاجبتها ومن بعدها مارحت عندهم كلش .. بس اقدر اقول ان شغلهم للشعر حلووو خصوصا ان هم رفيجتي جربت عندهم الهاي لايت الثلجي والقص وعجبها حتى انا ماعرفت انها مسويه عندهم الا بعد ماسألتها واعطي شغلهم للشعر تحديدا 9/10 .. مكانهم ف شارع النصر..

صالون هيفا ستايل

راح اتكلم عن تجربتي معاهم تحديدا ف التاتو (الحنا السودا) سويت عندهم لحواجبي ونقش ع ايدي وريولي بصراحه سواده عجيب وظل معاي اكثر من ١٠ ايام بس مستوى النقش اعطيه 7/10 اما شغل الشعر حلو عندهم شفت صاحبة الصالون مهتمه بتسريحات زبوناتها وما شاء الله ايدها خفيفه وهمن المكياج عندهم رووووعه اعطيه 10/10 على يد ايرانيه وايد شاطره حبيت شغلها واسلوبهم ف التعامل وايد حلو ومن اروح مااتعطل ثانيه وحده يبلشون باللي ابي ف نفس اللحظه واسعارهم زينه .. مكانهم ورا سيتي سنتر

Toni&Guy Salon

Celebrity Salon...has many Branches n the World...
Before there s Branch n my Country (Qatar), specifically n the Mall...but it's closed after a period...
I have a unique experience with them >>> dye my hair full blond & cut :D
Soon maybe I'll experiment w them n 1 of their Branches n the state of European Countries
Deserve evaluation 90%

صالون لابلوبيل

العام اختي حجزت حق قص شعر عند صفاء عالمدح اللي سمعناه فيها .... الصالون موقعه الشعب.. شغلهم حلو طبعا كانت اختي ماخذه موعد ولمن رحنا سألت اذا في مجال تقص لي بعد وماردوني .. اختي وايد حبت قصها وهمن انا عجبني والحلو ماتحش الشعر يعني تقص كثر مانبي ماتزيد... جربت اسوي سترينتر نسيت اسم اللي سووت لي وطبعا وصتها صفاء علي عشان تبيين القصه اكثر .. شفنا مكياجهم على جم وحده ف الصالون بصراحه حلو وناعم .. كان خاطري ف عدسات حصه من عندهم لاني شفت ان يبيعونهم لمن كنت احاسب بس الالوان اللي طلبتها مخلصه وهمن كنت ابي سيروم كرستاس الاورنج اللي بعدة زيوت ومن كثر ماهو حلو مخلصينه بس شريته من صالون ثاني .. تعامل اللي ف الصالون حلو وسمعت مدح ع صبغهم للشعر ان شاء الله اجرب عندهم ف المستقبل ..

صالون الشركه الكويتيه

من جم سنه نصحتني فيه وحده من رفيجاتي ف كويت وفعلا اخذنا موعد انا وامي حق صبغ وقص ورحنا....

الصالون كان اسمه جاك قبل لايغيرونه للشركه الكويتيه لآسباب نسيتها بس اللي اعرفه ان من اقدم الصالونات وموجود قبل الغزو ع حسب كلام اللي سوت لنا الهاي لايت والقص وان الصالون يديرونه ٢ كويتيين شراكه... مكانهم ف الساليه

شغلهم وايد نظيف وحلو 

نصحت امي ان تسوي لها الهاي لايت عالمبلول لان شعرها خفيف واصح انها تصبغه وهو مبلول 

  وسوولي اللون اللي كان بخاطري ومو اي صالون كان يضبطه لي واللي هو البييج   الفاتح حيييل ونصحتني اسوي حمام زيت ورا الهاي لايت وحتى القص كان وااااو وشغلهم نظيف ف السيشوار واسعارهم حلوه  

كلش ماتحسفنا بهالتجربه ونعطي شغلهم لنا ١٠/١٠ 

....